Ymgyrch Marchnata Gerddi a Pharcdiroedd

"Un Gardd Fawr"
www.onebiggarden.com

Mae ‘Un Gardd Fawr’ (Is-bennawd ‘Camu i Dde Orllewin Cymru’) yn ceisio tynnu sylw at erddi a mannau gwyrdd De Orllewin Cymru.  Amrywia’r rhain o atyniadau gerddi fel Gardd Fotaneg Genedlaethol Cymru, Aberglasney, Clun a Singleton a Plantasia yn Abertawe, Parc Gwledig Margam ac eraill hyd at Ardal o Harddwch Naturiol Eithriadol cyntaf y DU, Penrhyn Gŵyr, ac unig Barc Cenedlaethol arfordirol y DU, yn Sir Benfro.

Ffurfiwyd Consortiwm yr Un Gardd Fawr tua diwedd 2002 ac mae’n cynnwys Partneriaeth Twristiaeth De Orllewin Cymru, Cyngor Sir Gaerfyrddin, Dinas a Sir Abertawe, Cyngor Bwrdeistref Sirol Castell-nedd Port Talbot, Cyngor Sir Penfro, Cymdeithas Dwristaidd Sir Gaerfyrddin, Twristiaeth Bae Abertawe a Thwristiaeth Sir Benfro ac atyniadau Gardd Fotaneg Genedlaethol Cymru, Aberglasney, Canolfan Gwlyptiroedd Genedlaethol – Cymru, Eiddo’r Ymddiriedolaeth Genedlaethol sef Gerddi Coedlannau Colby a Pharc Dinefwr, Parc Gwledig Margam, Canolfan Treftadaeth Gŵyr, Castell Picton a Chanolfan Hywel Dda, Hendy-gwyn.

Bwriedir i’r wefan sy’n bodoli ddenu marchnadoedd targed penodol a fydd yn denu ymwelwyr newydd i’r rhanbarth a datblygu ar waith partneriaid isranbarthol cenedlaethol.

I weld rhywfaint o’r hysbysebu ar-lein ar gyfer ‘Un Gardd Fawr’ sy’n ymddangos ar safleoedd fel y Gymdeithas Arddwriaethol Frenhinol, cliciwch ar y ddolen isod:
Un Gardd Fawr

Amcanion yr Ymgyrch

Drwy weithredu ymgyrch yr Un Gardd Fawr, mae PTDOC yn dymuno:

Hyrwyddo gerddi a pharcdiroedd De Orllewin Cymru yn bennaf i ddefnyddwyr a hefyd i gynulleidfaoedd y fasnach deithio.
Cynyddu ymweliadau i erddi ac arosiadau dros nos gan rai sy’n cymryd egwyliau byr a grwpiau
Annog rhyngweithio rhwng aelodau’r consortiwm i gynorthwyo i greu cynlluniau ar y cyd (tocynnau, teithiau gerddi, llety hollgynhwysol a phecynnau mynediad, digwyddiadau)

Marchnad darged

Diffinnir marchnad darged yr Un Gardd Fawr fel:

Rhai sy’n cymryd egwyliau byr:  45-74 oed, sy’n byw yn y de orllewin, y de ddwyrain, Llundain a Gorllewin Canolbarth Lloegr.  Yn 2002/3 roedd tuedd sylweddol tuag at ferched ar gyfer y cynnyrch hwn.
Y fasnach deithio:  Gweithredwyr teithiau a bysiau, trefnwyr grwpiau, y wasg deithio

Cynnyrch

Mae’r cynnyrch y mae consortiwm yr Un Gardd Fawr yn ei gynrychioli yn cynnwys tir y parc cenedlaethol, parciau a gerddi sy’n eiddo i’r awdurdod lleol a gerddi ac atyniadau preifat.

Ewch i www.swwtp-consortium.co.uk am ragor o wybodaeth.